不確定性

我打過一份令我開竅嘅工，我老細同我講過：「做management就係每日都面對好多uncertainty，但仍然做出正確嘅決策。」，呢句嘢我一隻都記起心裡面，成為我平時剖析處境嘅原則。有啲嘢你永遠不可知，又或者你冇足夠時間或資源去搞清楚，呢個時候，你千祈唔好用自己嘅經驗去估，100個人，會有100個估法，或者我畀100日時間你，你分分鐘鐘都日日都有唔同嘅見解。

你唯有真真正正建立一個思考方法嘅框架，結合搜集資料嘅能力、查證嘅能力、推理嘅能力，再加上追求真相同完美嘅態度，咁先可以強化自己，並且感染身邊嘅人。一個問題，可以有好多個答案，但perfect嘅答案只有一個，人嘅目標就係要不斷追求呢個perfect嘅答案，就算追唔到，都要知點解追唔到，以及砌一個最接近完美嘅答案。

如果真係好趕急要做決定，咁我只能話，做一個唔完美但符合邏輯嘅決定，係永遠好過企喺原地乜都唔做。某程度上，好多uncertainty，你肯行出第一步去搏下，個世界自然會講多啲嘢畀你聽。